अर्धनारीश्वर स्तोत्र श्रीमद् शंकराचार्य की रचना है, जिसमें उन्होंने शिवशक्ति के अर्धनारीश्वरस्वरूप का वर्णन करके शिवपार्वती को प्रणाम किया है। आठ श्लोकों का यह स्तोत्र इष्टसिद्धि करनेवाला है। जो व्यक्ति भक्तिपूर्वक इसका पाठ करता है, वह समस्त संसार में सम्मानित होकर दीर्घजीवी बनता है। तो आइये, इस पोस्ट में इसका पाठ करते हैं। बस हर श्लोक को बोलते समय यह ध्यान रखें कि जहाँ यै है वहाँ यै बोलना है और जहाँ य है वहाँ य बोलना है; क्योंकि यै माता पार्वती के लिये है और य भगवान शिव के लिये है।

चाम्पेयगौरार्धशरीरकायै कर्पूरगौरार्धशरीरकाय।

धम्मिल्लकायै च जटाधराय नमः शिवायै च नमः शिवाय।।१।।

कस्तूरिकाकुङ्कुमचर्चितायै चितारजःपुञ्जविचर्चिताय।

कृतस्मरायै विकृतस्मराय नमः शिवायै च नमः शिवाय।।२।।

चलत्क्वणत्कङ्कणनूपुरायै पादाब्जराजत्फणिनूपुराय।

हेमाङ्गदायै भुजगाङ्गदाय नमः शिवायै च नमः शिवाय।।३।।

विशालनीलोत्पललोचनायै विकासिपङ्केरुहलोचनाय।

समेक्षणायै विषमेक्षणाय नमः शिवायै च नमः शिवाय।४।।

मन्दारमालाकलितालकायै कपालमालाङ्कितकन्धराय।

दिव्याम्बरायै च दिगम्बराय नमः शिवायै च नमः शिवाय।।५।।

अम्भोधरश्यामलकुन्तलायै तडित्प्रभाताम्रजटाधराय

निरीश्वरायै निखिलेश्वराय नमः शिवायै च नमः शिवाय।।६।।

प्रपञ्चसृष्ट्युन्मुखलास्यकायै समस्तसंहारकताण्डवाय।

जगज्जनन्यै जगदेकपित्रे नमः शिवायै च नमः शिवाय।।७।।

प्रदीप्तरत्नोज्ज्वलकुण्डलायै स्फुरन्महापन्नगभूषणाय।

शिवान्वितायै च शिवान्विताय नमः शिवायै च नमः शिवाय।।८।।

एतत् पठेदष्टकमिष्टदं यो भक्त्या स मान्यो भुवि दीर्घजीवी।

प्राप्नोति सौभाग्यमनन्तकालं भूयात् सदा तस्य समस्तसिद्धिः।।९।।

।।इति श्रीमच्छङ्कराचार्यविरचितं अर्धनारीनटेश्वरस्तोत्रं सम्पूर्णम्।।

Tags:-